دنیا

روزگار کیلئے سعودی عرب جانے والے فلپائنی شہریوں پر پابندی عائد

فلپائن میں حکام نے سعودی عرب اپنے شہریوں کو ملازمت پر بھیجنے پر عارضی طور پابندی لگادی ہے یہ فیصلہ کورونا وائرس ٹیسٹ اور ہوٹل قرنطینہ کی رپورٹوں کے بعد کیا گیا ہے۔فلپائنی میڈیا کے مطابق ایک اخباری رپورٹ میں دعوی کیا گیا کہ سعودی آجر کورونا وائرس ٹیسٹ، ہوٹل قرنطینہ اور کورونا انشورنس اسکیم کے اخراجات فلپائن کے ورکر سے وصول کررہے تھے اس کا نوٹس لیتے ہوئے فلپائنی حکام نے اپنے ورکرز کے سعودی عرب جانے پر پابندی لگائی ہے۔فلپائن کے وزیر محنت سلویسٹر بیلو نے کہا کہ ان کی وزارت اس معاملے پر وضاحتیں ملنے کے بعد سعودی عرب کے لیے اپنے ورکرز کو دوبارہ بھیجنے سے متعلق سرکاری بیان جاری کرے گی۔یاد رہے کہ سعودی عرب فلپائنی ورکرز کا پسندیدہ ترین ملک ہے جہاں دس لاکھ سے زیادہ فلپائن کے شہری ملازمتیں کررہے ہیں، یہ سرکاری اعداد وشمار 2019 کے جاری کردہ ہیں۔
٭٭٭٭٭

About the author

Peerzada M Mohin

M Shahbaz Aziz is ...

Leave a Comment

%d bloggers like this: