دنیا

مایاوتی کا تمسخر اڑانے پر رندیپ ہودا اقوام متحدہ کے اعزازی سفیر کے عہدے سے برطرف

بالی ووڈ کے معروف اداکار رندیپ ہودا کو اقوام متحدہ کے ادارہ برائے ماحولیات نے بھارتی ریاست اتر پردیش کی سابق وزیراعلیٰ مایاوتی کے بارے میں ان کے ریمارکس پر ایمبیسڈر فار کنونشن فار کنزرویشن آف مائیگو ٹوری اسپیشز آف وائلڈ اینیملز (سفیر برائے ہجرت کرنے والے جنگلی جانوروں کے تحفظ کا معاہدے کے نگراں) کے عہدے سے ہٹادیا ہے۔اقوام متحدہ کے جنگلی جانوروں کے ماحول کے تحفظ کے معاہدے پر مبنی اس عہدے پر رندیپ ہودا کا بطور ایمبیسڈر فروری 2020 میں تین برس کے لیے تقرر کیا گیا تھا۔لیکن سوشل میڈیا پر ایک 9سال پرانی ویڈیو وائرل ہونے کے بعد انھیں ہٹانے کا فیصلہ کیا گیا۔اس ویڈیو میں انھوں نے سماج وادی پارٹی کی رہنما اور یوپی کی سابق وزیراعلیٰ مایاوتی کا توہین آمیز انداز میں تمسخر اڑایا جسے سوشل میڈیا صارفین نے ذات پات اور صنفی امتیاز پر مبنی قرار دیا۔اقوام متحدہ کے ماحولیاتی ادارے کے سیکریٹریٹ نے اس ویڈیو کو جارحانہ قرار دیتے ہوئے کہا کہ یہ اقوام متحدہ اور سی ایم ایس سیکریٹریٹ کے اقدار کی عکاسی نہیں کرتا ہے، جس کے باعث اب رندیپ ہودا بطور ایمبیسڈر کام کرنے کے اہل نہیں رہے۔
٭٭٭٭٭

About the author

Peerzada M Mohin

M Shahbaz Aziz is ...

Leave a Comment

%d bloggers like this: