انٹرٹینمنٹ

راکھی ساونت اور جاوید شیخ کی ویڈیو پر سوشل میڈیا صارفین کے دلچسپ تبصرے

فلم فیئر مڈل ایسٹ ایوارڈز کی تقریب میں پاکستانی لیجنڈ اداکار جاوید شیخ اور بھارتی اداکارہ راکھی ساونت کی و یڈیو پر سوشل میڈیا صارفین دلچسپ تبصرے کررہے ہیں۔دبئی میں منعقد ہونے والے فلم فیئر مڈل ایسٹ اچیورز ایوارڈز نے پاکستانی اور بھارتی فنکاروں کو پھر سے ایک ساتھ کردیا۔ ایوارڈ تقریب میں پاکستان کے لیجنڈ اداکار جاوید شیخ، ماہرہ خان، فیصل قریشی، اعجاز اسلم، شہریار منور، سجل علی، احد رضا میر اور عائشہ عمر سمیت متعدد فنکاروں نے شرکت کی۔ جب کہ بالی ووڈ سے اداکاراہ راکھی ساونت، نوازالدین صدیقی وغیرہ شریک ہوئے۔اداکارہ راکھی ساونت کی پاکستانی فنکاروں کے ساتھ مختلف تصاویر سوشل میڈیا پر وائرل ہورہی ہیں۔ اس کے علاوہ جاوید شیخ کے ساتھ راکھی ساونت کی چند سیکنڈ کی ایک ویڈیو بھی سوشل میڈیا پر وائرل ہورہی ہے جس پر صارفین دلچسپ تبصرے کررہے ہیں۔ویڈیو میں راکھی ساونت نے جاوید شیخ کی تعریف کرتے ہوئے ان سے اپنی محبت کا اظہار کیا اور انہیں بہترین اداکار قرار دیا۔ جاوید شیخ راکھی ساونت کے اس تبصرے پر خوش نظر آئے اور ان کا شکریہ ادا کیا۔دونوں کی وائرل ہونے والی اس ویڈیو پر سوشل میڈیا صارفین نے دلچسپ تبصرے کرتے ہوئے کہا ہے کہ ہمارے فنکاروں کو راکھی ساونت اتنی پسند آگئی ہے کہ کچھ دن بعد پاکستان کے ڈرامے میں راکھی ساونت دکھائی دے گی۔کسی نے کہا انڈیا والے راکھی ساونت کو اتنا منہ نہیں لگاتے جتنا ہمارے والے لگا رہے ہیں۔
٭٭٭٭٭

About the author

Peerzada M Mohin

M Shahbaz Aziz is ...

Leave a Comment

%d bloggers like this: