پاکستان صحت

ایک روز میں کرونا وائرس کے 4 مریض جاں بحق،75نئے کیسز

ملک بھر میں گزشتہ 24 گھنٹوں کے دوران نئے کرونا وائرس کے نئے رپورٹ شدہ کیسز کی تعداد 75 رہی۔نجی ٹی وی کے مطابق نیشنل انسٹی ٹیوٹ آف ہیلتھ کا کہنا ہے کہ گزشتہ 24 گھنٹوں کے دوران کرونا وائرس سے مزید 4 اموات ہوئیں، کرونا وائرس سے ہونے والی مجموعی اموات کی تعداد 30 ہزار 368 ہے۔این آئی ایچ کا کہنا ہے کہ گزشتہ 24 گھنٹوں کے دوران کرونا وائرس کے 75 نئے کیسز رپورٹ ہوئے، ملک میں کووڈ 19 کے مجموعی کیسز کی تعداد 15 لاکھ 27 ہزار 486 ہوگئی۔ملک میں کرونا وائرس سے صحت یاب مریضوں کی مجموعی تعداد 14 لاکھ 93 ہزار 796 ہوچکی ہے۔این آئی ایچ کے مطابق گزشتہ 24 گھنٹوں کے دوران کرونا وائرس کے 21 ہزار 278 ٹیسٹ کیے گئے، اب تک ملک میں 2 کروڑ 79 لاکھ 65 ہزار 862 کووڈ 19 ٹیسٹ ہو چکے ہیں۔این آئی ایچ کا کہنا ہے کہ ملک بھر میں کرونا وائرس کے مثبت کیسز کی شرح 0.35 فیصد رہی، ملک بھر کے 631 اسپتالوں میں کرونا وائرس کے 215 مریض تشویشناک حالت میں ہیں۔ملک میں اب تک 13 کروڑ 39 لاکھ 65 ہزار 57 افراد کو ویکسین کی ایک ڈوز جبکہ 12 کروڑ 8 لاکھ 38 ہزار 237 افراد کو ویکسین کی دونوں ڈوزز لگائی جا چکی ہیں ۔

About the author

Peerzada M Mohin

M Shahbaz Aziz is ...

Leave a Comment

%d bloggers like this: