جرم

ایران میں میں خاتون سمیت 12بلوچ قیدیوں کو پھانسی دیدی گئی

Written by Peerzada M Mohin
ایران میں حکام نے ملک کے جنوب مشرق میں واقع شہر زاہدان کی جیل میں 12 قیدیوں کو پھانسی دے دی ،میڈیارپورٹس کے مطابق ناروے میں قائم ایک غیرسرکاری تنظیم ایران ہیومن رائٹس (آئی ایچ آر)نے ان پھانسیوں کی اطلاع دی اور بتایا کہ گیارہ مردوں اور ایک عورت کو افغانستان اور پاکستان کی سرحدکے ساتھ واقع صوبہ سیستان ،بلوچستان کے شہر زاہدان کی مرکزی جیل میں تختہ دار پرلٹکایا گیا ۔عدالتوں نے انھیں منشیات سے متعلق مقدمات یا قتل کے الزامات میں سزائے موت سنائی گئی تھی۔مزید کہا گیا کہ یہ سب مصلوب بلوچ نسلی اقلیت سے تعلق رکھتے تھے جو بنیادی طور پر ایران میں غالب شیعہ مذہب کے بجائے سنی اسلام کے پیروکار ہیں۔ان بارہ مصلوبین میں سے چھ کو منشیات سے متعلق مقدمات میں پھانسی اور چھ کو قتل کے الزامات میں قصور وار قرار دے کرسزائے موت کا حکم دیا گیا تھا۔اس تنظیم کے بیان میں کہا گیا ہے کہ ان میں کسی بھی پھانسی کی اطلاع ملکی ذرائع ابلاغ نے دی تھی اور نہ ہی ایران کے حکام نے اس کی تصدیق کی تھی۔رپورٹ میں کہا گیا کہ پھانسی پانے والی عورت کو اس کے شوہر کے قتل کے الزام میں سزا سنائی گئی تھی اور اسے 2019 میں گرفتار کیا گیا تھا۔

About the author

Peerzada M Mohin

M Shahbaz Aziz is ...

Leave a Comment

%d bloggers like this: