انٹرٹینمنٹ

کلچرل جرنلسٹس فاؤنڈیشن آف پاکستان کےزیر اہتمام آج الحمراء میں شام چوراسی گھرانے کے گائیک استاد شفقت سلامت علی خان کے ساتھ ایک شام منائی جائے گی

شام چوراسی گھرانے کے معروف گائیک استاد شفقت سلامت علی خان کے ساتھ” صوفی نائٹ “کے عنوان سے ایک شام آج  4 جولائی بروز پیر  کو الحمراہال نمبر2میں شام 6 بجے منائی جائے گی جس کااہتمام کلچرل جرنلسٹس فاﺅنڈیشن آف پاکستان نے لاہور آرٹس کونسل کے تعاون سے کیاہے۔ پروگرام کی کمپیئرنگ کے فرائض سعید سیکی سرانجام دیں گے۔پروگرام میں استاد شفقت سلامت علی خان کے علاوہ شام چوراسی گھرانے کے نوجوان گائیک فیضان علی خان اور نادر علی خان بھی اپنے فن کا مظاہرہ کریں گے۔تقریب میں فن وثقافت سے وابستہ اہم شخصیات خصوصی شرکت کریں گی۔استادشفقت سلامت علی خان نے گفتگو کرتے ہوئے کہاکہ ہمارے آباﺅ اجداد کئی پشتوں کلاسیکل موسیقی کی خدمت کر رہے ہیں اور اب ہم ان کے نقش قدم پر چلتے ہوئے اپنا حصہ ڈال رہے ہیں ۔انہوں نے کہا کہ موسیقی کی ترویج کےلئے کلچرل جرنلسٹس فائونڈیشن آف پاکستان کی خدمات قابل تحسین ہیں جسے کبھی فراموش نہیں کیاجا سکتا ۔

About the author

Thakur Lahori

Leave a Comment

%d bloggers like this: