انٹرٹینمنٹ

اداکارہ مشی خان کا بھائی کے انتقال پر جذباتی پیغام

معروف اداکارہ مشی خان نے بھائی کے انتقال کے بعد مداحوں کیلئے جذباتی پیغام جاری کیا ہے۔اداکارہ کے بھائی ڈاکٹر محمد خاور خان دل کا دورہ پڑنے سے چک شہزاد کے ہسپتال میں انتقال کرگئے ہیں ۔اداکارہ نے اپنے پیغام میں بتایا کہ ان کے بھائی کو کئی دوسری بیماریاں بھی لاحق تھیں جن میں کووڈ اور پھیپھڑوں میں انفیکشن اور نمونیا کا مسئلہ شامل تھا۔اداکارہ نے انسٹاگرام پر جاری ویڈیو میں مداحوں سے درخواست کرتے ہوئے کہا کہ اگر آپ کا کوئی قریبی بیمار ہے اور وہ کچھ کہہ رہا ہے، اس کا دل کسی بات پر رضامند نہیں تو خدارا اس کی بات سنا کریں۔انہوں نے کہا کہ یہ ہرگز نہ کہا کریں کہ تمہیں ایسا لگ رہا ہوگا یا تمہارا دل ویسے ہی گھبرا رہا ہوگا، انسان کے اندر کی آواز بھی ہوتی ہے جس پر ہمارے معاشرے میں یقین نہیں کیا جاتا، اسے سنیں کیونکہ وہ کافی مشکلات کا حل بھی ہوتی ہے۔اداکارہ نے ایک اور ویڈیو انسٹاگرام پر شیئر کی جس میں انہوں نے ہسپتال کے عملے پر سخت تنقید کی اور بتایا کہ ڈاکٹر سمیت نرسنگ اسٹاف کا رویہ انتہائی غیر ذمہ دارانہ تھا۔انہوں نے شکستہ لہجہ میں کہاکہ پیاروں کے بچھڑنے پر بہت آسانی سے ڈاکٹرز بول دیتے ہیں کہ اللہ کو یہ ہی منظور تھا لیکن انسان بھی تو اپنی جانب سے کوشش کرتا ہے نا۔اداکارہ نے انکشاف کیا کہ میرا بھائی مسلسل کہہ رہا تھا کہ اس کی طبیعت ٹھیک نہیں ہے لیکن عملے نے اس بات کو انتہائی غیر ضروری سمجھا۔اداکارہ سے متعدد صارفین نے اظہار تعزیت کیا اور ان کے بھائی کے ایصالِ ثواب کیلئے دعا بھی کی۔
٭٭٭٭٭

About the author

Peerzada M Mohin

M Shahbaz Aziz is ...

Leave a Comment

%d bloggers like this: