انٹرٹینمنٹ

عفان وحید نے کردار نہ نبھا سکنے پر ہالی وڈ میں کام کی پیشکش ٹھکرائی

Written by Peerzada M Mohin

الی وڈ یا بالی وڈ انڈسٹری میں کام کرنے کی خواہش پاکستان کے متعدد اداکاروں میں پائی جاتی ہے لیکن پاکستان شوبز انڈسٹری سے منسلک اداکار عفان وحید ایک ایسے اداکار ہیں جنہوں نے ہالی وڈ سے کام کی پیشکش کو مسترد کردیا۔حال ہی میں دیے گئے انٹرویو کے دوران اداکار عفان وحید نے انکشاف کیا کہ انہیں 2 ماہ قبل ہالی وڈ سے پیشکش کی گئی تھی۔عفان نے بتایا کہ یہ پیشکش انہیں ہالی وڈ اسٹار نکول کڈمین کے ساتھ پیش کی گئی تھی لیکن انہوں نے اس پیشکش سے متعلق کسی کو اس لیے نہیں بتایا کیونکہ وہ جانتے تھے کہ وہ یہ کردار نہیں نبھا پائیں گے۔میزبان کے سوال پر عفان وحید نے پیشکش کو مسترد کیے جانے سے متعلق وضاحت دیتے ہوئے بتایا کہ ایسا انہوں نے اس لیے کیا کیوں کہ وہ اس وقت اپنی فلم کی شوٹنگ پر جارہے تھے۔اداکار کے مطابق ہالی وڈ کو مذکورہ کردار کے لیے فٹ بال یا باسکٹ بال پلیئر چاہیے تھا جو بہت اچھا کھیل سکے اور وہ دونوں کھیلوں میں سے کسی ایک کھیل کے لیے بھی اچھا کھلاڑی نہیں ہیں۔انہوں نے بتایا کہ اس دوران ان کے پاس وقت بھی نہیں تھا کہ وہ ان کھیلوں کی تربیت لے سکیں لہٰذا بہتر کردار ادا نہ کرنے کی وجہ سے فلم کرنے کی ضرورت محسوس نہیں کی۔عفان وحید نے مزید انکشاف کیا کہ انہیں تین چار سال پہلے بالی وڈ سے بھی پیشکش آئی تھی لیکن کاسٹنگ ڈائریکٹر کی جانب سے پیغام چونکہ فیس بک پر موصول ہوا تھا لہٰذا وہ چیک نہیں کرپائے اور یہ پیغام 2 سال بعد پڑھا تو سوائے معذرت کے کچھ نہ کرسکا۔
٭٭٭٭٭٭

About the author

Peerzada M Mohin

M Shahbaz Aziz is ...

Leave a Comment

%d bloggers like this: